Qaraǵandyda quny 5 mlrd teńgege jýyq jer telimi memleket menshigine qaıtaryldy

QARAǴANDY. KAZINFORM – Qaraǵandy oblysy Nura aýdanynyń prokýratýrasy somasy 4,78 mıllıard teńge quraıtyn 2 myń gektar jerdi memleket menshigine qaıtarýǵa septigin tıgizdi, dep habarlaıdy Kazinform tilshisi. 

Baqylaýshy organ ókilderi Nura aýdanynda paıdalanylmaǵan 2 391 gektar aýylsharýashylyq jer ýchaskesin anyqtap, memleket menshigine qaıtardy. 

Aýdan ákiminiń ókimi men aýdandyq Jer qatynastary bólimimen jasalǵan kelisim negizinde jer 20 jyl merzimge sharýa qojalyǵyna jalǵa berilgen. Alaıda, 2012 jyldan beri bul jer óz maqsatyna saı paıdalanylmaı kelgeni málim boldy. 

– Prokýratýra júrgizgen taldaý barysynda paıdalanylmaı jatqan jerdiń kadastrlyq quny 4,78 mlrd teńgeni quraıtyny anyqtaldy. Qabyldanǵan prokýrorlyq den qoıý sharalarynyń nátıjeleri boıynsha jer ýchaskesi memlekettik menshikke qaıtaryldy jáne josyqty jer paıdalanýshylarǵa beriledi, - dep habarlady Qaraǵandy oblysy prokýratýrasynda. 

Eske sala keteıik, Almatyda «Atakent» aýmaǵyndaǵy jer telimi memleket qajetine alynatynyn jazǵan edik.