Qaraǵandy oblysynda jalpy quny 27,3 mlrd teńge memlekettik satyp alýdyń kúshi joıyldy
QARAǴANDY. KAZINFORM – Qaraǵandy oblysynda bıýdjet qarajatynyń jumsalýy salasyna júrgizilgen taldaý memlekettik satyp alý týraly zańnamanyń buzylǵany anyqtaldy.
Oblystyq prokýratýranyń málimetinshe, «Balqash qalasynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi» MM-niń jaýapty qyzmetkerleri zańbuzýshylyq jasaǵan. Olar zań talaptaryna qaıshy túrde, sý qubyryn kúrdeli jóndeý boıynsha 625 mln teńgege memlekettik satyp alýdy jobalyq-smetalyq qujattamasyz jáne saraptamalyq qorytyndysyz ótkizgen.
Taǵy bir jaǵdaıda, «Qaraǵandy oblysynyń Tabıǵı resýrstar jáne tabıǵat paıdalanýdy retteý basqarmasy» MM 75,2 mln teńge somasyna lastaýshy zattardyń shyǵaryndylarynyń mólsherin ólsheýge arnalǵan jabdyqtar men aspaptardy satyp alýdy negizsiz josparlaǵan. Bul rette shyǵaryndylardy ólsheý atalǵan memlekettik mekemeniń quzyretine jatpaıdy.
Qabyldanǵan sharalardyń arqasynda bıýdjet qarajaty oblystyq bıýdjetke qaıtarylyp,qaıta bólýge jiberildi.
Bıýdjet qarajattarynyń jumsalý máselesi qadaǵalaý organynyń baqylaýynda.
