Qaraǵandy oblysynda kóshi-qon zańnamasyn buzǵan azamattar anyqtaldy
ASTANA. KAZINFORM – Qaraǵandy oblysynda polıtsııa kóshi-qon zańnamasynyń talaptaryna baqylaýdy kúsheıtti. Bul týraly Іshki ister mınıstrligi habarlady.
Qaraǵandy oblysynda polıtsııa qyzmetkerleri kóshi-qon zańnamasynyń saqtalýyn qamtamasyz etý maqsatynda quqyq buzýshylyqtardy anyqtaý jáne olardyń jolyn kesý baǵytynda turaqty túrde jumys júrgizip keledi.
Keıingi bir apta ishinde óńir aýmaǵynda kóshi-qon zańnamasyn buzýdyń 200 deregi tirkeldi. Onyń 100-i Qazaqstan Respýblıkasynda bolý tártibin saqtamaǵan shetel azamattaryna qatysty. Taǵy 100 quqyq buzýshylyq Qazaqstan azamattary tarapynan jasalǵan. Olardyń qatarynda kóshi-qon zańnamasynyń talaptaryn buzǵan qabyldaýshy tulǵalar men jumys berýshiler bar.
Atalǵan faktilerdiń barlyǵy boıynsha ákimshilik yqpal etý sharalary qabyldandy.
Qaraǵandy oblysy polıtsııa departamenti kóshi-qon qyzmetiniń bastyǵy Arman Ýálıevtiń aıtýynsha, kóshi-qon zańnamasynyń saqtalýyn baqylaý jumystary turaqty negizde jalǵasyn tabady.
Aıta keteıik, buǵan deıin Almatyda kóshi-qon zańyn buzǵan 35 sheteldik elden shyǵarylǵan edi.
