Qaraǵandy oblysynda kólik temirjolǵa shyǵyp ketip, úsh adam mert boldy

ASTANA. KAZINFORM – Jol apaty týraly málimetter quqyq qorǵaý organdaryna joldandy, dep habarlaıdy «QTJ».

-2025 jyldyń 17 qyrkúıeginde saǵat 00:54-te Aqadyr-Qaraǵandy ýchaskesinde Jaryq-Darııa jol aralyǵynda kúzetilmeıtin temirjol ótkelinde jolaýshylar poıyzy saǵatyna 92 km jyldamdyqpen kele jatyp, aldyna Mazda markili jeńil kóliginiń shyǵýyna baılanysty tejegishti basqan. Ókinishke qaraı, poıyz jeńil kólikti qaǵyp ótti,-delingen kompanııanyń habarlamasynda.

Kólik júrgizýshisi men eki jolaýshy alǵan jaraqattarynan mert boldy.

-«QTJ» UK» AQ marqumdardyń týǵan-týystaryna kóńil aıtady jáne barlyq jol qozǵalysyna qatysýshylardy temirjol ótkelderinen ótý erejelerin qatań saqtaýǵa shaqyrady. Táýekel deńgeıi arta túsetin túngi ýaqytta erekshe muqııat bolý qajet,-delinge QTJ habarlamasynda.

Buǵan deıin Qyzyljar – Túıemoınaq aralyǵynda №107 jolaýshylar poıyzy jolda turǵan júk vagonyna baılanysty shuǵyl toqtaýǵa májbúr boldy. Birneshe jolaýshy jeńil jaraqat aldy.