Qaraǵandy oblysynda kidirip qalǵan iri ınvestjoba iske asyryla bastady
Qaraǵandy oblysy prokýratýrasynyń aralasýynan keıin ınvestor quny 112 mlrd teńgeden asatyn jobasyn iske asyra bastady, dep habarlaıdy Kazinform QR Bas prokýratýrasynyń baspasóz qyzmetine silteme jasap.
Qaraǵandy oblysynda 401,4 mlrd teńge somasyna 36 ınvestıtsııalyq joba iske asyrylýda.
Ýákiletti organdar ınvestorlarmen tıisti túrde jumys júrgizbeıtini, olardyń zańdy quqyqtary buzylatyny anyqtaldy.
Mysaly, ınvestor «KyzylArayCopper» JShS 700 jumys ornyn beretin, quny 112,5 mlrd teńge bolatyn «Almaly-2» taý-ken óńdeý kesheniniń qurylysy" jobasyn iske asyrýda.
Jobany iske asyrý barysynda ınvestor sharýa qojalyqtarymen kelisimge kele almaǵandyqtan, aýyl sharýashylyǵy jerleri arqyly ótetin elektr jelilerin salýdy uzaq ýaqyt bastaı almaǵan.
Іske asyrylyp jatqan jobanyń mańyzdylyǵyna qaramastan, jergilikti atqarýshy organ máseleni sheshýge eshqandaı shara qoldanbaǵan.
Ol azdaı, Shet aýdanynyń ákimi «Jergilikti memlekettik basqarý jáne ózin-ózi basqarý týraly» Zańnyń talaptaryn buza otyryp, JShS-men yntymaqtastyq týraly Memorandým bekitken jáne onda ınvestor úshin aýyrtpalyq túsiretin mindettemeler qarastyrǵan.
Oblys prokýratýrasynyń aralasýynan keıin Memorandýmnyń kúshi joıyldy, jer paıdalanýshylarmen kelisimge qol jetkizildi jáne elektr jelileriniń qurylysy jalǵastyryldy.
Investorlardyń ótinishterine jedel den qoıý maqsatynda Front – ofıs quryldy jáne Qaraǵandy oblysy prokýratýrasynyń mobıldi toby táýlik boıy jumys isteıdi (baılanys telefony +7 778 099 91 11).
