Qaraǵandy oblysynda qatty jeldiń ekpini avtobýsty aýdaryp jiberdi
ASTANA. KAZINFORM — Búgin saǵat 08:54 shamasynda respýblıkalyq mańyzy bar Bastaý — Aqtaý — Temirtaý avtojolynda, Petrovka aýylynyń mańynda Botaqara — Qaraǵandy baǵyty boıynsha júrip bara jatqan №84 marshrýttyq avtobýs aýdarylyp qaldy. Bul týraly QR ІІM málim etti.
Polıtsııa qyzmetkerleri jolaýshylarǵa kómek kórsetti.
Aldyn ala málimetter boıynsha oqıǵaǵa qatty jeldiń ekpini sebep boldy. Oqıǵa bolǵan sátte avtobýstyń ishinde 17 jolaýshy bolǵan. Baqytymyzǵa qaraı, zardap shekkender joq.
Polıtsııa qyzmetkerleri oqıǵa ornyna jyldam jetip, jolaýshylarǵa kómek kórsetti. Olardyń ótip bara jatqan kóliktermen úılerine jetýine atsalysty.
Eske sala keteıik, buǵan deıin ІІM sheteldegi qazaqstandyqtarǵa alaıaqtyqtyń jańa túri týraly eskertkenin jazǵan bolatynbyz.