Qaraǵandy oblysynda qar qursaýynda qalǵan 5 adam qutqaryldy

ASTANA. KAZINFORM – TJM mamandary Qaraǵandy oblysynda qar qursaýynda qalǵan 5 adam qutqarylǵanyn habarlady.

Derekke qaraǵanda, Qaraǵandy oblysy Qaraǵaıly aýylynan 10 shaqyrym jerde qar qursaýynda qalǵan bes azamatqa qutqarýshylardyń kómegi qajet bolǵan.

- TJM qyzmetkerleri oqıǵa ornyna jedel kelip, adamdardy Qaraǵaıly aýylyna aman-esen jetkizdi. Olarǵa medıtsınalyq kómek kerek bolmady, dep jazdy vedomstvonyń baspasóz qyzmetinen.

TJM azamattarǵa qys mezgilinde júrý kezinde saqtyq sharalaryn saqtaý jáne joldardaǵy yqtımal qolaısyz jaǵdaılarǵa daıyn bolý qajettigin eskertedi.

Aıta keteıik, Qaraǵandy-Astana tas jolynda 1 500-ge jýyq kólik keptelip qalǵanyn jazǵanbyz.