Qaraǵandy oblysynda ınternet-alaıaqtyqtyń 335 faktisi tirkeldi
QARAǴANDY. KAZINFORM – Qaraǵandy oblysynyń prokýratýrasy ınternet arqyly jasalatyn alaıaqtyq oqıǵalarynyń kóbeıgenin habarlady.
Qazaqstan Bas prokýratýrasynyń málimetinshe, 2026 jyldyń birinshi toqsanynda oblys aýmaǵynda 541 alaıaqtyq deregi tirkelgen, onyń 335-i ınternet-resýrstardy paıdalaný arqyly júzege asyrylǵan.
Eń jıi kezdesetin alaıaqtyq tásilder qatarynda onlaın saýda, áleýmettik jelilerdegi alaıaqtyq, sondaı-aq bank operatsııalary, utystar men ınvestıtsııalar týraly jalǵan aqparat taratý bar.
Óńirde osyndaı qylmystarǵa qatysy bar tulǵalar ustaldy. Mysaly, bir azamatsha «Krisha.kz» saıtynda jalǵan páter jalǵa berý habarlamalaryn jarııalap, klıentterden aldyn ala tólem alyp, izin sýytqan.
Sot bul azamatshany Qazaqstan Respýblıkasynyń Qylmystyq kodeksiniń 190-babynyń 3-bóligi 4) tarmaǵy boıynsha kináli dep tanyp, 3 jyl 6 aıǵa bas bostandyǵynan aıyrdy.
Prokýratýra azamattarǵa kelesi qaýipsizdik sharalaryn usynady:
- belgisiz adamdarǵa aqsha aýdarmaý;
- senimsiz siltemelerge kirýden bas tartý;
- úshinshi tulǵalardyń ótinishi boıynsha qosymsha baǵdarlamalar ornatpaý;
- kúdikti operatsııalar kezinde bank qyzmetkerlerimen baılanysý;
- alaıaqtyq belgileri baıqalǵan jaǵdaıda «102» nómirine habarlasý.
Bul sharalar ınternet alaıaqtyqtyń aldyn alýǵa baǵyttalǵan jáne azamattardyń qaýipsizdigin qamtamasyz etýge kómektesedi.
Eske salsaq, buǵan deıin ІІM onlaın-alaıaqtyqtyń jańa tásili týraly málimdeme jasaǵan edi.
