Qaraǵandy oblysynda eki jastaǵy bala poıyzdyń astyna túsip ketti

QARAǴANDY. KAZINFORM — Qaraǵandy mańyndaǵy temirjolda eki jasar bala júk poıyzynyń astyna túsip qaldy. Qazir ol jansaqtaý bóliminde jatyr.

Oqys oqıǵa «Qaraǵandy — Aqadyr» temirjol ýchaskesiniń «Qaraǵanózek — Qarabas» aralyǵyndaǵy bolǵan.

Zardap shekken bala aýyr jaǵdaıda oblystyq balalar aýrýhanasyna jetkizilgen.

— Bala aýyr halde oblystyq balalar aýrýhanasyna jetkizildi, jansaqtaý bólimine jatqyzyldy, — dep málimdedi Qaraǵandy oblystyq densaýlyq saqtaý basqarmasynyń baspasóz qyzmeti.

«Qazaqstan temir joly» ulttyq kompanııasynyń baspasóz qyzmeti de oqıǵaǵa qatysty pikir bildirdi.

— 2025 jylǵy 1 maýsym kúni saǵat 11:47–de «Qaraǵandy — Aqadyr» ýchaskesiniń «Qaraǵanózek — Qarabas» aralyǵynda eki jasar balanyń temirjol jolyna shyǵyp ketýine baılanysty júk poıyzynyń mashınısi shuǵyl tejegish qoldandy. Zardap shekken balany ata-anasy Qaraǵandy qalalyq balalar aýrýhanasyna jetkizdi, — delingen habarlamada.

Oqıǵadan keıin aqparat «Qaraǵandy-Sortırovochnaıa» stansasyndaǵy jelilik polıtsııa bólimshesine berildi.

Buǵan deıin Pavlodarda er adam poıyz astyna túsip, mert bolǵanyn jazdyq.