Qaraǵandy oblysynda departament basshysy 1 mln teńge para aldy degen kúdikke ilindi

ASTANA. KAZINFORM – Qaraǵandy oblysy boıynsha Sybaılas jemqorlyqqa qarsy qyzmet oblystyq departamentterdiń biriniń basshysyna jáne oǵan baǵynysty qyzmetkerine qatysty sotqa deıingi tergeýdi aıaqtady.

жемқорлық
Фото: Kazinform

QR Sybaılas jemqorlyqqa qarsy is-qımyl agenttigi baspasóz qyzmetiniń habarlaýynsha, departament basshysyna oryndalǵan jumystar aktisine qol qoıǵany úshin kásipkerden 1 mln teńge kóleminde para aldy degen kúdik keltirilip otyr.

Sonymen qatar, aıyptalýshylar jalǵan jumyspen qamtylǵan qyzmetkerlerdiń shottaryna jalpy somasy 2,5 mln teńgege jalaqy, syılyqaqy jáne issapar shyǵystaryn negizsiz aýdarý arqyly adamdar tobynda bıýdjet qarajatyn jymqyrdy dep aıyptalýda.

Aıyptalýshylar sotqa tartyldy.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.

- Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi, - delingen habarlamada.

Osyǵan deıin byltyr jemqorlyq jaıly habarlaǵan qazaqstandyqtar 35,5 mln teńge syıaqy alǵany týraly habarladyq.

 

Сейчас читают