Qaraǵandy oblysynda dala órtin sóndirý jumystary jalǵasyp jatyr
ASTANA.KAZINFORM — Qaraǵandy oblysynyń Buqar jyraý aýdanynda Sýyqsý, Qyzyltý jáne Yntaly aýyldarynyń mańynda dala órtenip jatyr. Tabıǵı órtti sóndirý jumystary jalǵasyp jatyr. Bul týraly TJM málim etti.
— Sýyqsý aýylynyń mańyndaǵy órt oqshaýlandy. Órt eldi mekennen soltústik-shyǵysqa qaraı 25 shaqyrym jerde ornalasqan taýly-qyratty aýmaqta qurǵaq shóptiń tutanýynan shyqqan, — dep habarlady mınıstrlikten.
Oblystyq Tótenshe jaǵdaılar departamentinde jumyldyrylǵan kúshter men quraldardyń is-qımylyn úılestiretin jedel shtab quryldy. Qazirgi ýaqytta jekelegen ýchaskelerge sý sebý jáne qalǵan oshaqtardy sóndirý jumystary júrgizilip jatyr.
Jumystarǵa TJM men jergilikti atqarýshy organdardyń 200-ge jýyq qyzmetkeri men 60 birlik tehnıkasy jumyldyrylǵan.
Eske sala keteıik, búgin Jambyl oblysyndaǵy qoqys polıgonyndaǵy órt shyqty.
