Qaraǵandy oblysynda birinshi jáne ekinshi aýysymdaǵy sabaqtardyń ýaqyty qysqartyldy

Qaraǵandy oblysyna birinshi jáne ekinshi aýysymda oqıtyn oqýshylarǵa sabaq saǵat 10-00-de bastalyp, 30 mınýttan bolady, dep habarlaıdy Kazinform oblystyq bilim bóliminiń baspasóz qyzmetine silteme jasap.

Baspasóz qyzmetiniń málimetterine qaraǵanda, óńirde 2023 jylǵy 14 jeltoqsanda temperatýranyń tómendeýine baılanysty barlyq oqýshylar úshin birinshi aýysymdaǵy sabaqtar saǵat 10.00-de 30 mınýttan qysqartylǵan sabaqtarmen bastalatyn bolady. Ekinshi aýysymdaǵy sabaqtar saǵat 14.00-de 30 mınýttyq sabaqtarmen bastalady.

«Sonymen qatar, aýa-raıynyń qolaısyzdyǵyna baılanysty 0-4 synyp oqýshylarynyń ata-analaryna balanyń mektepten qashyqtyǵyn eskere otyryp, balanyń mektepke barýy nemese barmaýy týraly sheshimin synyp jetekshisine habarlaý qajet ekenin eskertemiz»,-delingen habarlamada.