Qaraǵandy oblysynda birneshe baǵytta kólik qozǵalysy toqtatyldy

ASTANA. KAZINFORM — Qaraǵandy oblysynda aýa raıynyń buzylýyna baılanysty kólik qozǵalysyna shekteý qoıyldy, dep habarlaıdy «QazAvtoJol» UK baspasóz qyzmeti.

2026 jylǵy 6 aqpan saǵat 16:00–de aýa raıynyń buzylýyna baılanysty kelesi respýblıkalyq mańyzy bar avtojoldarda júk jáne qoǵamdyq kólikterdiń qozǵalysyna shekteý engizildi: 

— «Astana — Qaraǵandy — Almaty» avtojolynyń 92-164 shaqyrym aralyǵy (Aqmola oblysy shekarasy — Temirtaý aqy alý pýnkti);

— «Astana — Qaraǵandy — Almaty» avtojolynyń 248-592 shaqyrym aralyǵy (Atameken aýyly — Balhash qalasy);

— «Qyzylorda — Jezqazǵan — Qaraǵandy — Shiderti» avtojolynyń 788-906 shaqyrym aralyǵy (Ulytaý oblysynyń shekarasy — Topar eldi mekeni);

— «Qyzylorda — Jezqazǵan — Qaraǵandy — Shiderti» avtojolynyń 970-1064 shaqyrym aralyǵy (Qaraǵandy qalasy — Molodejnyı eldi mekeni). 

Aıta keteıik, joldy 2026 jylǵy 7 aqpan saǵat 09:00–de ashý josparlanǵan. 

Budan buryn Ulytaý oblysynda respýblıkalyq mańyzy bar joldar jabylǵany belgili boldy.