Qaraǵandy oblysynda balshyq qursaýynda qalǵan 18 adam qutqaryldy
ASTANA. KAZINFORM — 112 pýltine Aqtoǵaı aýdany Aıyrtas aýylynan 35 shaqyrym jerde dala jolynda tórt jeńil avtokólik laıǵa batyp, shyǵa almaı qalǵany týraly habar kelip tústi, dep habarlaıdy TJM baspasóz qyzmeti.
Oqıǵa ornyna kelgen TJM qutqarýshylarynyń jedel ári kásibı áreketteriniń arqasynda avtokólikter batpaqtan tazartylǵan jol bóligine súıretip shyǵaryldy.
— Kólikterdiń ishinde 18 adam boldy. Zardap shekkender joq. Medıtsınalyq kómek eshkimge qajet bolǵan joq, — delingen habarlamada.
TJM qazaqstandyqtarǵa eskertý jasady.
— Alys jolǵa shyǵar aldynda aýa raıy men jol jaǵdaıyn naqtylap, múmkindiginshe jolsyz jerlermen júrýden aýlaq bolyńyzdar, — deıdi mamandar.
Buǵan deıin Pavlodar óńirindegi oqýshylar mı batpaqtan aýyl ishindegi mektepke jete almaı júrgenin jazdyq.
