Qaraǵandy oblysynda avtobýs órtendi

ASTANA. KAZINFORM - Qaraǵandy qalasynyń Ermekov kóshesinde avtopark aýmaǵynda avtobýs órtendi, dep habarlaıdy QR Tótenshe jaǵdaılar mınıstrliginiń baspasóz qyzmeti.

Tótenshejaǵdaı týraly habardy alysymen oqıǵa ornyna jetken qutqarýshylar avtobýstyń ashyq jalynmen janyp turǵanyn anyqtady. Qutqarýshylardyń úılesimdi áreketiniń arqasynda órt tez arada sóndirilip, jaqyn mańdaǵy avtobýsty órtten qorǵaýǵa múmkindik týdy. Zardap shekkender joq.

Osyǵan deıin Pavlodarda páter órtenip, zeınetker kóz jumǵanyn habarladyq. Belgili bolǵanyndaı, kópqabatty turǵyn úıde ornalasqan páterde úı zattary, jıhaz ben aǵash eden órtengen. Ózge páterlerdiń turǵyndary dalaǵa óz betimen shyqqan.