Aýyl ákimi qaramaǵyndaǵy boıjetkendi zorlady degen kúdikpen qamaýǵa alyndy

QARAǴANDY. KAZINFORM — Qaraǵandy oblysy Shet aýdany Aqshataý aýylynyń ákimi 23 jastaǵy boıjetkendi zorlaly dep kúdikke ilindi. Qazirgi ýaqytta eks-sheneýnik qamaýda otyr. 

Áleýmettik jelilerde aýyl ákimin «birneshe jyl boıy onyń qaramaǵynda jumys istegen qyzyn qorlady» dep aıyptaǵan áıeldiń beıneúndeýi jarııalandy. Budan bólek, kúdikti zardap shekken qyzdyń ata-anasymen dos bolǵan. 

Atalǵan is boıynsha qylmystyq is qozǵaldy. Kúdikti ýaqytsha ustaý kamerasynda otyr.

— Shet aýdanynyń 23 jastaǵy turǵynynyń ótinishi boıynsha qylmystyq is qozǵaldy. Sol kúni polıtsııa kúdiktini ustap, ýaqytsha ustaý ızolıatoryna qamady. Sottyń sanktsııasy boıynsha oǵan qatysty úıqamaq túrindegi bultartpaý sharasy qabyldandy. Qadaǵalaý organy sot alqasyna jeke apellıatsııalyq ótinishhat joldady. Ótinish qanaǵattandyrylyp, kúzetpen ustaý túrindegi bultartpaý sharasy tańdaldy. Qazirgi ýaqytta tergeý júrgizilip jatyr. Tergeý múddesi aıasynda ózge aqparat jarııalanbaıdy, — dep habarlady Qaraǵandy oblysy PD baspasóz qyzmeti.

Jaǵdaı boıynsha Shet aýdandyq ákimdigi de túsinik berdi. Belgili bolǵandaı, kúdikti Aqshataý aýylynyń ákimi qyzmetin atqarmaǵan.

— Qylmystyq is qozǵalǵan kezde ol kent ákimi qyzmetin atqarmady. Bul is jeke sıpatqa ıe, — dep habarlaıdy Shet aýdandyq ákimdigi.

Buǵan deıin habarlanǵandaı, Aqtaýda qyz zorlaý týraly istiń bas fıgýranty ómir boıyna bas bostandyǵynan aıyrylǵan bolatyn.