Qaraǵandy oblysynda aýa raıyna baılanysty joldar jabylady
QARAǴANDY. KAZINFORM – 25 aqpan kúni saǵat 23:00-den bastap aýa raıynyń nasharlaýyna baılanysty Qaraǵandy oblysyndaǵy birqatar respýblıkalyq mańyzy bar avtojoldarda kólik qozǵalysyna ýaqytsha shekteý qoıylady.
Atap aıtqanda, jolaýshylar tasymaldaıtyn reıstik avtobýstar men dızel otynymen júretin avtokólikter úshin qozǵalysqa tyıym salynady:
– «Qyzylorda – Jezqazǵan – Qaraǵandy – Shiderti» avtojolynyń 1066-1135 shaqyrym aralyǵy, ıaǵnı Molodejnyı kentinen Pavlodar oblysynyń shekarasyna deıingi bóligi;
– «Qalqaman – Baıanaýyl – Úmitker – Botaqara» avtojolynyń 231-324 shaqyrym aralyǵy, Pavlodar oblysynyń shekarasynan Botaqara kentine deıin.
Jol qozǵalysyn 26 aqpan kúni saǵat 09:00-de qaıta ashý josparlanǵan.
Qosymsha aqparatty táýlik boıy 1403 baılanys ortalyǵyna habarlasý arqyly alýǵa bolady.
Buǵan deıin 25 aqpanda eldegi qaı joldarda qozǵalys shektelgeni habarlandy.