Qaraǵandy oblysynda aýa raıyna baılanysty kólik qozǵalysy shekteldi

ASTANA. KAZINFORM – QazAvtoJol Qaraǵandy oblysynda aýa raıyna baılanysty kólik qozǵalysy shektelgenin habarlady.

- 9 qarasha kúni saǵat 22:30-dan bastap Qaraǵandy oblysynda aýa raıynyń kúrt nasharlaýyna baılanysty respýblıkalyq mańyzy bar «Qyzylorda – Jezqazǵan – Qaraǵandy – Shiderti» avtojolynyń 970-1066 shaqyrymyndaǵy (Qaraǵandy qalasynan Molodejnyı aýylyna deıingi) ýchaskede barlyq kólik túrleriniń qozǵalysyna ýaqytsha shekteý qoıyldy, - delingen aqparatta.

Joldy 2025 jylǵy 10 qarasha saǵat 08:00-de qaıta ashý josparlanyp otyr.

Joldardyń jabylýy men ashylýy týraly tolyq aqparatty www.qaj.kz saıtyndaǵy «Aqparattyq karta» bóliminen kórýge bolady.

Aıta keteıik, buǵan deıin aýa raıynyń buzylýyna baılanysty úsh oblysta jol jabylatyny habarlanǵan bolatyn.