Qaraǵandy oblysynda 5 jyl boıy halyqaralyq izdeýde júrgen qylmysker ustaldy
QARAǴANDY. KAZINFORM – Qaraǵandy oblysynda polıtsııa jedel-izdestirý is-sharalary barysynda asa aýyr qylmys jasady degen kúdikpen 43 jastaǵy er adamdy quryqtady, dep jazdy polisia.kz
Atalǵan tulǵa bopsalaý qylmysy boıynsha 5 jyl boıy halyqaralyq izdeýde bolǵan.
– Arnaıy operatsııa Qaraǵandy qalasynyń aýmaǵynda, jekemenshik turǵyn úılerdiń birinde júrgizildi. Tintý barysynda polıtsııa qyzmetkerleri arnaıy jabdyqtalǵan jasyryn oryndy anyqtap, izdeýdegi kúdiktiniń sol jerde jasyrynyp júrgenin áshkereledi. Aldyn ala derekterge sáıkes, er adam qala turǵynyn qorqytyp, kúsh qoldanyp, 117 mıllıon teńge bopsalaýǵa qatysy bar. Kúdikti uzaq ýaqyt boıy quqyq qorǵaý organdarynan boı tasalap, jasyrynyp júrgen, – dedi Qaraǵandy oblysy Polıtsııa departamenti bastyǵynyń birinshi orynbasary Qýanysh Orynbetov.
Qazirgi ýaqytta ustalǵan azamat ýaqytsha ustaý ızolıatoryna qamaýǵa alyndy. Sotqa deıingi tergeý amaldary júrgizilip jatyr.
Aıta keteıik, Atyraý oblysynda túıe urlaýmen aınalysqan qylmystyq top ustaldy.
Almaty oblysynda qaýipti hımııalyq synapty 100 mln teńgege satpaq bolǵan azamat qolǵa tústi.
