Qaraǵandy oblysynda 4 mln teńge para berýge ıtermelegen advokat sottaldy
ASTANA. KAZINFORM – Qaraǵandylyq advokat qorǵaýshysyn laýazymdy tulǵaǵa (sotqa deıingi tergep-tekserý bastyǵy) deldal arqyly 4 000 000 teńge kóleminde para berýge kóndirgen. Atalǵan somany berý kezinde advokatty Ulttyq qaýipsizdik komıteti Qaraǵandy oblysy boıynsha departamentiniń qyzmetkerleri ustady. Bul týraly Qaraǵandy qalasy Qazybek bı aýdandyq soty habarlaıdy.
Sotqa deıingi tergeý organdarynan E.-ge Qylmystyq kodekstiń 24-baby 3-bóligi, 190-baby 3-bóligi 1 tarmaǵy boıynsha (alaıaqtyqqa barý, ıaǵnı aldaý jáne senimge kirý arqyly iri kólemde bótenniń múlkin urlaý), sondaı-aq Qylmystyq kodekstiń 28-baby 4-tarmaǵy, 367-baptyń 2-bóligi boıynsha (deldal arqyly laýazymdy tulǵaǵa aıtarlyqtaı mólsherde para berýge arandatý) aıyp taǵyldy.
«Azamat E. Qaraǵandy oblystyq advokattar alqasynyń múshesi jáne óziniń advokattyq qyzmetin júzege asyra otyryp, bıýdjet qarajatyn urlaýǵa kúdikti S.-men zań kómegin kórsetý týraly shart jasasty, bul rette qylmystyq isti Sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamentiniń qyzmetkerleri tekseredi. Zań qyzmetterin kórsetý barysynda E. S.-ny deldal arqyly laýazymdy tulǵaǵa (sotqa deıingi tergep-tekserý bastyǵy) 4 000 000 teńge mólsherinde para berýge kóndirdi, kórsetilgen somany berý kezinde E.-ni UQK Qaraǵandy oblysy boıynsha departamentiniń qyzmetkerleri ustady, - delingen sot habarlamasynda.
Dálel retinde sottyń baspasóz qyzmeti jábirlenýshiniń aıǵaqtaryn, istiń jazbasha materıaldaryn, atap aıtqanda, arnaıy is-sharalardyń nátıjeleri men beınejazbalardy usyndy.
Prokýror sottan kúdiktige 3,6 jylǵa bas bostandyǵynan aıyrý jazasyn taǵaıyndaýdy surady.
Qorǵaýshy sottan bas bostandyǵynan aıyrmaýdy surady, óıtkeni kúdikti densaýlyq jaǵdaıy boıynsha ІІM zeınetkeri, sozylmaly aýrýlary bar jáne kinásin tolyq moıyndady. Іs boıynsha sotqa deıingi jedel tergeý júrgizildi.
Sot qandaı jaza taǵaıyndady
QK-niń 367-babynyń 2-bóliginiń sanktsııasy paranyń otyzdan qyryq ese somasy mólsherinde aıyppul túrindegi jazany ne belgili bir laýazymdy atqarý nemese belgili bir qyzmetpen aınalysý quqyǵynan ómir boıyna aıyra otyryp, múlki tárkilenip, úsh jyldan jeti jylǵa deıingi merzimge bas bostandyǵynan aıyrýdy kózdeıdi.
QK-niń 190-baby 3-bóliginiń sanktsııasy úsh jyldan jeti jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý túrindegi jazany kózdeıdi.
Sot kináni E.-niń shyn júrekten ókinýin jeńildetetin jaǵdaı dep tanydy. Sonymen qatar, sot sottalýshynyń is-áreketinde kináni aýyrlatatyn mán-jaıdy anyqtaǵan joq.
«Joǵaryda atalǵan jaıttardy eskere otyryp, sot údemeli sotqa deıingi tergep-tekserý isteri boıynsha jazanyń negizgi túriniń merzimi nemese mólsheri kodekstiń erekshe bóliginiń tıisti babynda kózdelgen eń joǵary merzimniń nemese mólsherdiń jartysynan aspaıtyn QK-niń 55-babynyń 3-bóliginiń qaǵıdalaryn qoldandy. Sondaı-aq, QK-niń 56-babynyń 3-bóligi, onda qylmysqa oqtalǵany úshin jazanyń merzimi nemese mólsheri qylmystyq kodekstiń erekshe bóliginiń tıisti babynda kózdelgen jazanyń negizgi túriniń eń joǵarǵy merziminiń nemese mólsheriniń tórtten úshinen aspaýy tıis», - dep naqtylady baspasóz qyzmeti.
Sottyń 2024 jylǵy 22 qarashadaǵy úkimimen E.-ge memlekettik qyzmette, sýdıada, jergilikti ózin-ózi basqarý organdarynda, Ulttyq bankte jáne onyń vedomstvolarynda, retteý, baqylaý jáne retteý jónindegi ýákiletti organda laýazymdardy atqarýǵa ómir boıy tyıym sala otyryp, 2 jylǵa 7 aıǵa probatsııalyq baqylaý belgileı otyryp, bas bostandyǵyn shekteýdiń 2 jyly 7 aıy taǵaıyndaldy. Qarjy naryǵyn jáne qarjy uıymdaryn, memlekettik uıymdardy jáne kvazımemlekettik sektor sýbektilerin qadaǵalaý.
Sot úkimi zańdy kúshine engen joq.
Osyǵan deıin Aqtóbede depo bastyǵy para alyp sottalǵany týraly jazdyq.
