Qaraǵandy oblysynda 300-den astam jolaýshy jylytý beketterine ornalastyryldy
QARAǴANDY. KAZINFORM – Qaraǵandy oblysynda daýyldy eskertý jalǵasýda. Qutqarýshylar joldarda keptelip qalǵan kólikterdegi jolaýshylardy jylytý pýnktterine jetkizip, júrgizýshilerge azyq-túlik pen aýyz sý jetkizdi, dep habarlaıdy Kazinform tilshisi.
– Oblystyń basym bóliginde kólik qozǵalysyna shekteý qoıyldy. Tańǵa deıin 10 jylytý pýnktinde 281 adam ornalastyryldy, onyń ishinde 18 bala bar. Sonymen qatar 3 jol boıyndaǵy kempıngterde 75 adam, onyń ishinde 13 bala aýa-raıynyń qolaısyzdyǵyn kútýde, - dep málemdedi Qaraǵandy oblysynyń TJD baspasóz hatshysy.
Budan bólek TJM qutqarýshylary jergilikti atqarýshy organdarmen jáne Qyzyl aımen birlesip, Qaraǵandy oblysynyń 3 jabyq ýchaskesinde joldardyń jabylýyna baılanysty beketterde turyp qalǵan jolaýshylardyń tamaqtanýyn uıymdastyrdy.
– 50-den astam avtokóliktiń jolaýshylary men júrgizýshilerine TJM avtokóligimen ystyq tamaq pen aýyz sý jetkizildi, - dep qosty vedomstvoda.
Qaraǵandy oblysy TJD qaýipsizdik erejelerin qatań saqtaý qajettigin eskertedi:
– Daýyldy eskertý jarııalanǵan jaǵdaıda eldi mekenderden tys jerlerge shyǵýdan jáne serýendeýden aýlaq bolyńyzdar;
– Jol jabylǵan aımaqtarda kólikterdiń keptelisin qurmańyzdar;
– Qolaısyz aýa-raıynyń túzelýin jol boıyndaǵy nysandarda kútińizder;
– Tótenshe jaǵdaılar departamentiniń resmı paraqshalary men áleýmettik jelilerdegi joldardyń jabylýy, kólik qozǵalysynyń shektelýi nemese ashylýy týraly aqparatty qadaǵalańyzdar.
Barlyq oqıǵa men tótenshe jaǵdaılar boıynsha 112 nómirine habarlasý qajet.
Eske salsaq, Qaraǵandy oblysyndaǵy joldardyń boıynda myńnan astam kólik keptelip qalǵan bolatyn.