Qaraǵandy oblysy TJD bastyǵy taǵaıyndaldy
ASTANA. KAZINFORM — Búgin Tótenshe jaǵdaılar vıtse-mınıstri Erbolat Sadyrbaev Qaraǵandy oblysynyń Tótenshe jaǵdaılar departamentiniń jeke quramyna jańa basshyny tanystyrdy.
Tótenshe jaǵdaılar mınıstriniń buıryǵymen Manarbek Qaıyrgeldiuly Shapaǵatov Qaraǵandy oblysynyń Tótenshe jaǵdaılar departamentiniń bastyǵy bolyp taǵaıyndaldy.
Manarbek Shapaǵatov azamattyq qorǵaý organdarynda 1992 jyldan bastap qyzmet atqarady.
1995 jyly Qazaqstan Respýblıkasy Іshki ister mınıstrliginiń Almaty órt-tehnıkalyq ýchılışesin, al 2005 jyly Qazaqstan Respýblıkasy Tótenshe jaǵdaılar mınıstrliginiń Kókshetaý tehnıkalyq ınstıtýtyn támamdaǵan.
Qyzmet jyldary memlekettik órt baqylaý jáne qadaǵalaý, órtke qarsy qyzmet salalarynda túrli laýazymdarda eńbek etken. Stepnogorsk qalasynyń Tótenshe jaǵdaılar basqarmasynyń bastyǵy, Aqmola oblysynyń Tótenshe jaǵdaılar departamenti bastyǵynyń orynbasary qyzmetterin atqarǵan.
2022 jylǵy shilde aıynan 2026 jylǵy qazan aıyna deıin Abaı oblysynyń Tótenshe jaǵdaılar departamentiniń bastyǵy qyzmetin atqardy.
Qaraǵandy oblysynyń qurylys basqarmasynyń basshysy laýazymyna Maqsat Muqashev taǵaıyndalǵanyn jazǵan edik.
