Qaraǵandy oblysy memlekettik sáýlet-qurylys basqarmasyna jańa basshy taǵaıyndaldy

QARAǴANDY. KAZINFORM – Qaraǵandy oblysynyń memlekettik sáýlet-qurylys baqylaý basqarmasynyń basshysy bolyp Aıdyn Smaǵulov taǵaıyndaldy. Buǵan deıin ol sol basqarmada bólimdi basqardy, memlekettik qurylys ınspektory boldy, dep habarlaıdy Kazinform tilshisi.

Kadrlyq ózgerister týraly apparattyq keńeste óńir basshysy Ermaǵanbet Bólekpaev habarlady.

Aıdyn Smaǵulovtyń eki joǵary bilimi bar. Qaraǵandy memlekettik tehnıkalyq ýnıversıtetin «Ónerkásiptik jáne azamattyq qurylys» mamandyǵy boıynsha, Qaztutynýodaǵy Qaraǵandy ekonomıkalyq ýnıversıtetin «Quqyqtaný» mamandyǵy boıynsha bitirgen.

Memlekettik qyzmette 15 jyldan astam ýaqyt eńbek etip keledi. Qarqaraly qalasy ákiminiń apparatynda, Qaraǵandy oblysynyń qurylys basqarmasynda, Qaraǵandy oblysynyń TJD, QR Memlekettik qyzmet isteri agenttiginiń Qaraǵandy oblysy boıynsha departamentinde bas maman bolyp jumys istedi.

MSQB basqarmasynda ártúrli laýazymdarda eńbek etti, 2022 jyldan bastap osy taǵaıyndaýǵa deıin qurylys baqylaý bóliminiń basshysy — memlekettik qurylys ınspektory boldy.

Buǵan deıin Qaraǵandy oblysynda Dene shynyqtyrý jáne sport basqarmasyn Serik Sápıev basqarǵanyn jazǵan bolatynbyz.