Qaraǵandy oblysy energııa qadaǵalaý departamentiniń basshysy taǵaıyndaldy

QARAǴANDY. KAZINFORM — Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Qaraǵandy oblysy boıynsha aýmaqtyq departamentin Aırat Qaramurzın basqarady.

Buryn ol osy vedomstvoda basshynyń orynbasary bolyp jumys istegen, sodan keıin basshynyń mindetin atqarǵan.

Energııa qadaǵalaý departamentiniń basshysyn oblys ákimi Ermaǵanbet Bólekpaev apparattyq keńeste tanystyrdy.

Aırat Qaramurzın – «elektr energetıkasy» mamandyǵy boıynsha tehnıka jáne tehnologııalar magıstri, sondaı-aq «quqyqtaný» mamandyǵy boıynsha joǵary bilimi bar.

Qaraǵandy qalasy Qazybek bı atyndaǵy aýdan ákimi apparatynda túrli laýazymdarda jumys istedi. Balqash qalasynyń TKSh, jolaýshylar kóligi jáne avtomobıl joldary bóliminiń basshysy, Balqash ákiminiń orynbasary bolǵan. 2022 jyldyń qarashasynan bastap aýmaqtyq energetıkalyq qadaǵalaý departamentinde jumys istedi. 

Búgin Almaty oblysynda Densaýlyq saqtaý basqarmasynyń jańa basshysy taǵaıyndalǵan edi. 

Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.