Qaraǵandy men Astananyń ortasynda 30 jolaýshysy bar avtobýs jolda qalyp qoıdy

QARAǴANDY. KAZINFORM — Qaraǵandylyq qutqarýshylar 32 jolaýshysy bar avtobýsty qar qursaýynan alyp shyqty, dep habarlaıdy Kazinform tilshisi.

Qaraǵandy oblysy Osakarov aýdanynda «Almaty-Ekaterınbýrg» avtojolynyń 1107 shaqyrymynda qar qursaýynda jolaýshylar avtobýsy men jeńil avtokólik turyp qaldy.

— TJM qutqarýshylary jol talǵamaıtyn Trekol kóligi jáne vahtovkanyń kómegimen 32 jolaýshyny Osakarov aýylyna jetkizdi. Evakýatsııalanǵandar medıtsınalyq kómekti qajet etpedi, — dep habarlady Qaraǵandy oblysy TJD baspasóz qyzmeti.

Osyǵan deıin Temirtaýdan shyǵar jolda 800 kólik keptelip qalǵanyn jazǵan bolatynbyz.