Qaraǵandy mańyndaǵy jol apatynan 2 adam kóz jumdy

QARAǴANDY. KAZINFORM – Jol-kólik oqıǵasy 18 sáýir kúni tańǵy saǵat 5:30-da «Almaty-Qaraǵandy» avtojolynda, Qaraǵandydan 25 shaqyrym qashyqtyqta bolǵan, dep habarlaıdy Kazinform agenttiginiń tilshisi.

– «Alfard» avtomobıliniń júrgizýshisi kólik tizginine ıe bol almaı, jol jıegine aýdarylyp ketken. Jol-kólik oqıǵasynan eki jolaýshy oqıǵa ornynda qaza tapty, - dep habarlaıdy Qaraǵandy oblysynyń PD baspasóz qyzmeti.

Atalǵan fakti boıynsha qylmystyq is qozǵalyp, onyń sheńberinde qajetti saraptamalar taǵaıyndaldy. Qazirgi ýaqytta oqıǵanyń mán-jaıyn anyqtaý úshin tergeý amaldary júrgizilip jatyr. 

Qaraǵandy oblysynyń polıtsııa departamenti júrgizýshilerge jol qozǵalysy erejelerin qatań saqtaýdy eskertedi. Ásirese, uzaq sapar kezinde arnaıy jabdyqtalǵan kempıngter men alańdardy paıdalana otyryp, demalý qajettigin este saqtaý mańyzdy.

Eske salaıyq, buǵan deıin Atbasar qalasynda Mercedes kóligi 4 jaıaý júrginshini qaǵyp ketkenin habarlanǵan edik.