Qaraǵandy mańynda mototsıkl júrgizýshisi qaza tapty
QARAǴANDY. KAZINFORM — Qaraǵandy qalasyna jaqyn mańda mototsıkl arnaıy avtokólikke soǵylyp, júrgizýshi oqıǵa ornynda kóz jumdy.
3 tamyz kúni saǵat 07:30 shamasynda «Almaty — Ekaterınbýrg» tas jolynyń boıynda, Qaraǵandy qalasynan Balqash baǵytyna qaraı 1 shaqyrym jerde jol-kólik oqıǵasy boldy.
Qaraǵandy oblystyq polıtsııa departamenti bastyǵynyń orynbasary Jasqaırat Qaırovtyń málimetinshe, aldyn ala derekter boıynsha, mototsıkl júrgizýshisi jolda turǵan Kia Sportage markaly arnaıy avtokólikpen soqtyǵysqan. Soqtyǵys saldarynan 42 jastaǵy azamat alǵan jaraqattarynan oqıǵa ornynda jan tapsyrdy.
Atalǵan derek boıynsha qylmystyq is qozǵalyp, tıisti sot-medıtsınalyq jáne avtotehnıkalyq saraptamalar taǵaıyndaldy. Tergeý amaldary júrgizilip jatyr.
Buǵan deıin habarlanǵandaı, Bas prokýratýra Qazaqstanda jarty jylda jol apatynan myńǵa tarta adam kóz jumǵanyn málimdegen edi.