Qaraǵandy mańynda aýdarylǵan avtobýsta zardap shekkenderdiń basym bóligi úıine jiberildi
QARAǴANDY. KAZINFORM — Aýdarylǵan avtobýs jolaýshylarynyń kópshiligi aýrýhanaǵa jatqyzýdy qajet etpedi. Qazirgi ýaqytta statsıonarda sanaýly ǵana adam qalyp, olardyń jaǵdaıyn dárigerler ortasha aýyr dep baǵalap otyr.
Qaraǵandy oblysynda vahtalyq avtobýs qatysqan jol-kólik oqıǵasynan zardap shekkenderdiń jaǵdaıy naqtylandy.
— 44 patsıent tekserýden keıin ambýlatorııalyq em alýǵa jiberildi. Jeti adam statsıonarda qalyp otyr, olardyń jaǵdaıy ortasha aýyr dep baǵalanýda, barlyq qajetti medıtsınalyq kómek kórsetilýde, — dep habarlady Qaraǵandy oblysynyń densaýlyq saqtaý basqarmasy.
Eske salaıyq, jol-kólik oqıǵasy Qarqaraly aýdanynda, Besoba aýylynan 15 shaqyrym jerde bolǵan. Іshinde 50 jumysshysy bar vahtalyq avtobýs aýdarylyp ketken.
Oqıǵa saldaryn joıýǵa qutqarýshylar, medıtsına qyzmetkerleri jáne polıtsııa qyzmetkerleri jumyldyryldy. Zardap shekkenderdiń bir bóligi Qaraǵandy qalasynyń medıtsınalyq mekemelerine, sondaı-aq Botaqara kentindegi aýrýhanaǵa jetkizildi. Jaǵdaı Tótenshe jaǵdaılar mınıstrliginiń baqylaýynda.
