Qaraǵandy mańynda 30 jastaǵy fýtbol jattyqtyrýshysy jol apatynan kóz jumdy
ASTANA. KAZINFORM — Qaraǵandy-Abaı tasjolynda jattyqtyrýshy Ilıa Býrtovoı mingen kólik jol apatyna ushyrady.
Ilıa Býrtovoı Qaraǵandydaǵy «Skaýt» fýtbol klýbynyń jastar jattyqtyrýshysy bolǵan jáne Kókshetaýdaǵy «Elim-aı» fýtbol klýbynda oınaǵan.
Demalys kúnderi Ilıa Býrtovoı mingen kólik Qaraǵandy-Abaı tasjolynda jol-kólik oqıǵasyna ushyrady. «Skaýt» balalar klýbyndaǵy áriptesteriniń aıtýynsha, fýtbolshy apattan keıin aýyr halde aýrýhanaǵa jetkizilgen.
— Dárigerler onyń ómiri úshin kúresti, biraq, ókinishke qaraı, Ilıa Valerevıch búgin qaıtys boldy. Ilıa Býrtovoı óte jaýapty, óz isine adal jan boldy. Ol balalardy erekshe jaqsy kóretin jáne árbir shákirtine bar bilimi men kúsh-jigerin arnaǵan naǵyz maman edi, — dep habarlady komandanyń baspasóz qyzmeti.
Qazaqstan fýtbol qaýymdastyǵy da Ilıa Býrtovoıdyń qaıtys bolǵanyn rastady.
Buǵan deıin aqtóbelik jas fýtbolshy qaıtys bolǵanyn jazǵan edik.
