Qaraǵandy qalasyndaǵy apat: Jaryq berý qalpyna keltirildi
Qaraǵandy qalasynda elektr qýatyn berý qaıta qalpyna keltirildi. QazAqparat bul týraly Energetıka mınıstrligine silteme jasap habarlaıdy.
Eske salaıyq, búgin Qaraǵandy oblysynyń bas shaharynda abonentterdiń basym deni jaryqsyz qalǵan bolatyn.
Keıin óńir ákimi Ermaǵanbet Bólekbaev oblys turǵyndaryna málimdeme jasap, búgin tańerteń Qaraǵandy qalasynyń JEO-3 stantsııasynda jáne Topar GRES-2-de shtattan tys jaǵdaı oryn alǵanyn aıtty.
«Qazirgi sátte Topar GRES-2 júktemeni kóterip jatyr jáne meniń tapsyrmammen birinshi orynbasarym Vadım Basın bolǵan jaǵdaıdy anyqtaý úshin stantsııaǵa attanyp ketti. Júktemeni kóterý jáne óńir tutynýshylaryna elektr jaryǵyn qysqa merzimde berý úshin KEGOC-pen jáne barlyq stantsııalarmen barlyq sharalar qolǵa alynyp jatyr», - degen bolatyn Ermaǵanbet Bólekbaev.
