Qaraǵandy qalasynda arbadaǵy tennısten Qazaqstan kýbogi máresine jetti

QARAǴANDY. KAZINFORM — Qaraǵandy qalasynda tirek-is-qımyl apparaty buzylǵan sportshylar arasynda arbadaǵy tennısten Qazaqstan kýbogi máresine jetti.

Tórt kúnge sozylǵan jarysqa Qaraǵandy, Astana, Almaty, Aqtóbe jáne Aqtaýdan myqty sportshylar qatysty.

Saıys qorytyndysy boıynsha myna tennısshiler júldeger atandy.

Jekeleı syn, erler:

1.Dastan Nııazov (Aqtóbe),

2.Qaınar Nurlybek (Astana),

3.Dinmuhamed Álııakparov (Astana).

Jekeleı syn, áıelder:

1.Aıjan Bitimbaeva (Qaraǵandy),

2.Aıshýaq Jetpisova (Qaraǵandy),

3.Janat Úmitqulova (Aqtóbe).

Juptyq syn, erler:

1.Dinmuhamed Álııakparov – Qaınar Nurlybek (Astana),

2.Fedor Starygın – Evgenıı Bykov (Qaraǵandy),

3.Sanat Esmaǵambet – Nazar Trofımov (Aqtaý).

Juptyq syn, áıelder:

1.Aıjan Bitimbaeva – Aıshýaq Jetpisova (Qaraǵandy),

2.Janat Úmitqulova – Aıgúl Berdesheva (Aqtóbe),

3.Sáýle Aıdarhanova – Sofııa Stepanova (Astana).

Jasóspirimder:

1.Nazar Trofımov (Aqtaý),

2.Sofııa Stepanova (Astana),

3.Muhammed Nııaz (Astana).

Jalpykomandalyq esepte qaraǵandylyqtar kósh bastasa, Aqtóbe ekinshi, Astana tennısshileri úshinshi orynǵa ıe boldy.

«Meniń tennıspen aınalysqanyma bir jyldaı boldy. Osy ýaqyt ishinde respýblıkalyq jarystarda olja salyp úlgerdim. Ótken jyly Qazaqstan chempıonaty men Almatyda ótken qorytyndy týrnırge qatystym. Tennıske qurbymnyń shaqyrýymen kelip edim. Men bul sport túrin jaqsy kórip kettim. Qazaqstan kýbogine jaqsy daıyndaldym. Altyn medal jeńip alǵanyma óte qýanyshtymyn», - dedi Aıjan Bitimbaeva.

Eske sala keteıik, budan buryn Aleksandr Nedovesovtiń Býharest týrnıriniń shırek fınalyna shyqqanyn jazǵan bolatynbyz.

Sondaı-aq Beıbit Juqaev Meksıkadaǵy jarystyń ekinshi aınalymyna ótti.