Qaraǵandy-Balqash tas jolynda jol apatynan eki adam qaza tapty

ASTANA. KAZINFORM - Qaraǵandy mańynda jol-kólik oqıǵasy saldarynan eki adam kóz jumyp, bes adam túrli jaraqattarmen aýrýhanaǵa jetkizildi, dep habarlaıdy Kazinform.

Qaıǵyly oqıǵa 16 tamyz túngi saǵat 00:30-da "Qaraǵandy - Balqash" avtojolynda Spask kentinen 2 shaqyrym qashyqtyqta oryn alǵan.

- «Hýndaı Elantra» jáne «GAZel» markaly eki avtokóliktiń qatysýymen jol-kólik oqıǵasy oryn aldy. Apat saldarynan 32 jastaǵy «Hýndaı Elantra» avtokóliginiń júrgizýshisi men onyń jolaýshysy oqıǵa ornynda qaıtys boldy. «GAZel» avtokóliginiń 35 jastaǵy júrgizýshisi, onyń eki jolaýshysy jáne «Hýndaı Elantra» kóliginde bolǵan úsh jolaýshy medıtsınalyq mekemege jetkizildi, - dep habarlady Qaraǵandy oblysy PD baspasóz qyzmeti.

Densaýlyq saqtaý basqarmasy úsh adam, onyń ishinde bir bala aýyr halde jan saqtaý bólimine jatqyzylǵanyn habarlady.

- Bes patsıent H. Maqajanov atyndaǵy klınıkanyń qabyldaý bólimine jetkizildi, onyń ishinde eki patsıent aýyr halde, reanımatsııa jáne qarqyndy terapııa bólimshesine jatqyzyldy. Eki patsıent shuǵyl travmatologııa bólimine jatqyzyldy, olardyń jaǵdaıy ortasha. Bir naýqas qanaǵattanarlyq jaǵdaıda boldy, sondyqtan ol ambýlatorııalyq emdelýge jiberildi. Tekserýden keıin bir bala Qaraǵandy qalasynyń Oblystyq balalar klınıkalyq aýrýhanasyna jetkizilip, reanımatsııa jáne qarqyndy terapııa bólimshesine jatqyzyldy, jaǵdaıy aýyr, - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.

Atalmysh fakti boıynsha qylmystyq is qozǵaldy. Tıisti saraptamalar taǵaıyndaldy.