Qaraǵandy-Balqash kúre jolynyń alǵashqy tórt jolaǵy ashyldy
ASTANA. KAZINFORM – Kólik mınıstrliginiń málimetinshe, Astana men Almaty qalalaryn qosatyn Ortalyq-Ońtústik dáliziniń ýchaskelerinde qozǵalys ashyp, joldy qoldanysqa tapsyrý boıynsha jumys júrgizilip jatyr.
Búgin Qaraǵandy-Balqash kúre jolynyń alǵashqy tórt jolaǵy ashyldy. Qaraǵandy qalasynan Aqbastaý aýylyna deıingi aralyqta jańa asfalt tóselip, tórt jolaqty jol tolyǵymen ashyldy. Jol qozǵalysy qaýipsizdigin qamtamasyz etý úshin tosqaýyl qorshaýy ornatyldy. Qaraǵandy-Balqash kúre jolynyń jalpy uzyndyǵy 363 shaqyrym.
Kúre jol I sanatqa ıe jáne tórt jolaqtan turady. Qaıta qurý jumystary aıasynda 11 kópir, aýyl sharýashylyǵy tehnıkasynyń ótýi úshin arnalǵan 32 jol ótpesi, kólik aıryǵy jáne temir jol arqyly ótetin jol ótpesiniń qurylysy tolyq aıaqtaldy. Bul kúre jol tolyǵymen jańa asfaltpen qamtyldy.
