Qaraǵandy – Aıagóz – Tarbaǵataı – Buǵaz jolynyń 33 shaqyrymy jóndelip jatyr
ASTANA. KAZINFORM – Abaı oblysynda respýblıkalyq mańyzy bar «Qaraǵandy – Aıagóz – Tarbaǵataı – Buǵaz» avtojolynyń 757–790 shaqyrym aralyǵynda ortasha jóndeý jumystary júrgizilip jatyr.
Jóndelip jatqan ýchaskeniń jalpy uzyndyǵy 33 shaqyrymdy quraıdy.
Joba aıasynda:
– 9,4 shaqyrym aýmaqta sýyq resaıklıng ádisimen jol negizi salyndy;
– 11 700 sharshy metr aýmaqta joldyń aqaýly bólikteri qalpyna keltirildi;
– 5,8 shaqyrymǵa iri túıirshikti asfaltbeton jabyny tóseldi.
- Qazirgi ýaqytta jóndeý jumystary bekitilgen josparǵa sáıkes jalǵasyp jatyr, - delingen QazAvtoJol aqparatynda.
Nysanda 17 arnaıy tehnıka jumys isteýde.
Aıta keteıik, Túrkistandaǵy respýblıkalyq mańyzy bar tasjoldaǵy kópir kúzge deıin jabyldy.
