Qaraǵandy avtomektepteriniń túlekteri derekter bazasyndaǵy aqaýǵa baılanysty emtıhan tapsyra almaı júr
QARAǴANDY. KAZINFORM – Qaraǵandyda avtomektepterdiń túlekteri arnaıy HQKO-da júrgizýshi kýáligin alýǵa emtıhan tapsyrýǵa tirkele almaı júr. Buǵan ІІM-de ázirlengen tsıfrlyq platformada paıda bolǵan kidiris sebep bolyp otyr, dep habarlaıdy Kazinform agenttiginiń tilshisi.
Jańa erejelerge sáıkes, elimizdiń barlyq jekemenshik avtomektebi endi «Avtomektep» avtomattandyrylǵan aqparattyq júıesiniń tsıfrlyq platformasynda tirkelýi tıis. Budan bylaı avtomektepterdiń barlyq kýrsanty jalpy bazada tirkelýi tıis ekendigi týraly ІІM Mınıstrligi ótken jyldyń qarasha aıynda habarlaǵan.
Júrgizýshilerdi daıarlaý mektepteri barlyq talapty oryndaǵanyna qaramastan, jańa jobada aqaý shyǵyp, tıisinshe iske qosylmaǵan. Sonyń saldarynan úsh kúnnen beri Qaraǵandynyń birneshe avtomektep túlekteri kólik júrgizý emtıhanyna tirkele almaı, arnaıy HQKO-nyń tabaldyryǵyn tozdyryp júr.
- Keshe mende jalpy sany 62 adamnan turatyn V jáne S1 sanatyndaǵy eki top oqýyn aıaqtady. Búgin meniń kýrsanttaryma arnaıy HQKO-da qyzmet kórsetýden bas tartty. Birde-bir kýrsant emtıhanǵa tirkele almady. Olardy elektrondy bazada avtomektep joq dep qaıtaryp jibergen. ІІM buıryǵyna sáıkes, 2024 jyldyń 25 jeltoqsanyna deıin barlyq jumys istep turǵan avtomektepter 2 jyl ishinde: 2022 jyldan 2025 jylǵa deıin barlyq oqýshy boıynsha málimet berýi tıis bolatyn. Biz bul derekterdi talap etilgendeı, 25 jeltoqsanǵa deıin tapsyrdyq. Alaıda, bazada sandar men oqýdyń bastalý jáne aıaqtalý kúnderi sáıkes kelmedi, - deıdi «DiAlex» avtomektebiniń basshysy Irına Bıller.
Avtomektep ıeleri tsıfrlyq platformada derekter sáıkessizdigine ǵana emes, sonymen qatar olardyń oqýshylarynyń málimetteri jeke kompanııanyń qolyna túskenine narazy.
- Kýrstan ótken túlekter emtıhandarǵa avtomektep nemese kýrsant avtomektep.kz jeke avtomattandyrylǵan aqparattyq júıesinde tirkelmegendikten jiberilmeı jatyr. Bul jeke kompanııa. №862 jáne №593 buıryqtardyń negizinde kýrsanttar ýákiletti organnyń avtomattandyrylǵan aqparattyq júıesinde tirkelýi tıis, ıaǵnı tikeleı Qazaqstannyń Ákimshilik polıtsııasyna. Qazaqstannyń Ákimshilik polıtsııasy óz bazasyn usynýdyń ornyna, bizdi jeke kompanııaǵa qosyp qoıdy. Tıisinshe, qazir bul jeke kompanııa arqyly aqparat ІІM-ge, sodan keıin bizge, avtomektepterge túsýi úshin barlyǵy sol platformaǵa tirkelýi kerek. Bul derekterdi ІІM jınaǵan kezde, olar bizge ár kýrsanttyń jeke málimeti tek solardyń qolyna túsetinin jáne de oǵan jaýap beretinin aıtqan borlatyn. Endi bul aqparat ýákiletti organǵa emes, kásibı birlestikke jiberildi. ıAǵnı, biz ІІM jelisi boıynsha jibergen derekterimiz úshinshi tulǵalarǵa berilip, qazir dál osy úshinshi tulǵa kýrsanttardan emtıhan qabyldaýǵa tosqaýyl qoıyp otyr, - dep Qaraǵandy oblysynyń jol qozǵalysy qaýipsizdigi kásibı birlestiginiń tóraǵasy Sergeı Mıronov narazylyq bildirdi.
ІІM bul jaǵdaıǵa qatysty túsinikteme berip, qıyndyq ýaqytsha ǵana dep sendirdi.
- QR Іshki ister mınıstrligi avtomektep túlekterine júrgizýshi kýáligin berý kezinde týyndaǵan ýaqytsha qıyndyqtar týraly habarlaıdy. Máseleler avtomektepterdegi aqparatty jańa aqparattyq júıege kóshirý barysynda derekterdiń tolyq emestiginen nemese qateliginen bolǵan. 2024 jyldan bastap júrgizýshilerdi daıarlaý sapasyn arttyrý úshin «Avtomektep» AAJ tsıfrlyq platformasy engizildi. Ol jalǵan kýálik berýdi boldyrmaıdy, oqý merzimderin baqylaıdy jáne avtomektepterdiń jumysyn baǵalaýǵa múmkindik beredi. Birinshi kezeńde (2024 jylǵy qazan-jeltoqsan) jumys istep turǵan avtomektepter men oqý toptary tirkelgen. Ekinshi kezeńde buryn berilgen kýálikter júkteldi. Alaıda derekterdegi anyqtalǵan qatelikter keıbir túlekterdiń kýálikke qoljetimdiligin ýaqytsha shektedi, - dep túsindirdi QR ІІM baspasóz qyzmeti.
Sondaı-aq, vedomstvo qazirgi ýaqytta máseleni sheshý úshin derekterdi qaıta salystyrý júrgizilip jatqanyn habarlady. Avtomektepter kýrsanttardyń óz kýálikterin tekserýge arnalǵan saıtty iske qosty, al mamandandyrylǵan HQKO-larda keńes alý úshin ІІO qyzmetkerleri jumys isteıdi.
- Tsıfrlyq kýálikterge kóshý 2025 jyldyń qańtar aıynyń sońyna deıin aıaqtalady. Jumys azamattar úshin tegin júrgiziledi jáne Memleket basshysynyń júrgizýshilerdi formaldy oqytýǵa qarsy kúres jónindegi tapsyrmasyna sáıkes keledi, - dep tolyqtyrdy QR ІІM.
Esterińizge sala keteıik, endi júrgizýshi kýáligin alý úshin emtıhanǵa tek «HQKO» qosymshasynan jazylý kerek.