Qaraǵandy-Astana jolynda aýa raıy nasharlaǵanda jyldamdyqty qanshaǵa deıin tómendetý qajet

ASTANA. KAZINFORM — Endi aýa raıy qolaısyz bolǵan kezde júrgizýshilerge jyldamdyqty saǵatyna 60 km deıin tómendetýge týra keledi. Ereje buzǵandarǵa 5-ten 40 AEK-ke deıin aıyppul salynýy múmkin.

Qaraǵandy-Astana avtomagıstralinde, basqa da respýblıkalyq jyldam júretin joldardaǵydaı, qolaısyz aýa raıy jaǵdaılarynda ruqsat etilgen jyldamdyqty ózgertetin jol belgileri ornatylady.

Jańa erejege sáıkes, kóriný nasharlaǵan nemese kóktaıǵaq bolǵan jaǵdaıda júrgizýshiler jyldamdyqty saǵatyna 60 shaqyrymǵa deıin tómendetýge mindetti.

Bul shara jol-kólik oqıǵalarynyń qaýip-qaterin azaıtýǵa jáne tótenshe jaǵdaılardyń aldyn alýǵa baǵyttalǵan.

- Qolaısyz aýa raıy jaǵdaıynda respýblıkalyq mańyzdaǵy joldarda erekshe jyldamdyq rejımi engiziledi. Jyldamdyqty shekteý buzýshylyqtaryn tirkeý úshin jyldamdyq rejımi men ortasha jyldamdyqty baqylaý kameralarymen biriktiriletin bolady.

Ádettegi jaǵdaıda aýa raıy jaqsy bolǵan kezde trassadaǵy eń joǵary jyldamdyq burynǵysynsha qalady - 140 shm/saǵ, - dep atap ótti ákimshilik polıtsııa basqarmasy bastyǵynyń orynbasary podpolkovnık Eljas Jartybaev.

Ortasha jyldamdyqqa keler bolsaq, polıtsııa departamenti onyń júrip ótken joldy ýaqyt aralyǵyna bólý arqyly esepteletinin túsindirdi. Joldyń tik syzyqty ýchaskelerinde bul kórsetkishtiń artýy avtomatty júıelermen tirkeletin bolady. Qazir olar testilik rejımde respýblıkanyń 13 avtojolyna ornatylǵan. Ereje buzǵany úshin aıyppul 5-ten 40 AEK-ke deıin bolady.

Ázirge óńirde mundaı buzýshylyqtar tirkelmegen, sebebi qajetti jabdyqtar áli ornatylmaǵan.

Zańnamadaǵy ózgerister týraly taǵy ne bilý kerektigi týraly Óńirlik kommýnıkatsııalar qyzmetinde ótken brıfıngte aıtyldy. Áýesqoılar úshin ákimshilik jaýapkershiliktiń saralanýy ózgerdi.

- ÁQBtK-niń 592-baby 3-1 jáne 5-tarmaqtarmen tolyqtyryldy. Eger buryn jyldamdyqty arttyrýdyń eń joǵary shamasy 40 shm/saǵ jáne odan joǵary bolyp, ol úshin bir ǵana aıyppul bolsa, endi jyldamdyqty 40-60 shm/saǵ dıapazonynda arttyrǵan júrgizýshi 20 AEK (78 640 teńge) tóleıdi. 

Al saǵatyna 60 shaqyrymnan asqany úshin zańda 40 AEK (157 280 teńge) mólsherinde aıyppul qarastyrylǵan. Osy mólsherden qaıta asyp ketken jaǵdaıda aıyppul 60 AEK (235 920 teńge) deıin ósedi, - dep naqtylady Eljas Jartybaev.

Bul jańalyq qala syrtyndaǵy joldarda árbir úshinshi adam jyldamdyqty arttyrý saldarynan qaza bolatyn JKO taldaýyn eskere otyryp engizildi.

Eske salsaq, ótken aptada kún raıynyń qolaısyzdyǵy saldarynan Qaraǵandy – Astana tas jolynda myńnan atsam kólik keptelip qalǵan bolatyn.