Qaraǵandy-Astana trassasynda 5 adam mert boldy
Qaraǵandy-Astana trassasynda 5 adam qaza tapty. Kazinform agenttigi bul týraly Rolisia.kz-ke silteme jasap habarlaıdy.
Jol-kólik apaty, búgin saǵat 15.00 shamasynda "Qaraǵandy-Astana" tasjolynda bolǵan. Osakarov aýdanynan 50 shaqyrym jerde elordaǵa baǵyt alǵan "Ford Ranger" avtokóliginiń júrgizýshisi aldyn ala boljam boıynsha rýlge ıe bola almaı qalyp, joldy jóndep jatqan jumyskerdi qaǵyp ketken. Keıin ınertsııamen jol shetinde turǵan KamAZ-ǵa soǵylǵan.
Saldarynan jol jumyskeri, "Ford Ranger" avtokóliginiń júrgizýshisi jáne sol kólikte bolǵan 3 jolaýshy oqıǵa ornynda mert boldy.
«Atalǵan derek boıynsha QR Qylmystyq kodeksiniń 345-baby 4-tarmaǵyna sáıkes qylmystyq is qozǵaldy. Tıisti saraptamalar taǵaıyndaldy. Tergeý áreketteri júrgizilip jatyr», –dedi Qaraǵandy oblysynyń Polıtsııa departamenti bastyǵynyń birinshi orynbasary Qurmanǵalı Ysmaǵulov.
