Qaraǵandy-Astana tas jolynda 1 500-ge jýyq kólik keptelip qaldy

QARAǴANDY. KAZINFORM – Temirtaýdaǵy jol aqysyn tóleý termınaly mańynda kepteliste turǵan 1 500 avtokólikti Qaraǵandy oblysy jol polıtsııasynyń patrýldik mashınalary Aqmola oblysynyń shekarasyna deıin ertip júrdi, dep habarlaıdy Kazinform agenttiginiń tilshisi. 

Naqtyraq aıtar bolsaq, oqıǵa Qaraǵandy-Astana tas jolynda bolǵan. Mundaǵy keıbir kólikter kesheden beri kepteliste tur. 

Jol polıtsııasy qyzmetkerleriniń basshylyǵymen saǵat 16:00-de avtokólikter elordaǵaǵa qaraı baǵyt aldy. Jalpy sany 150 kólikten quralǵan 10 kolonna boldy. 

Buǵan deıin habarlanǵandaı, Qaraǵandy oblysynda aýa raıynyń qolaısyzdyǵyna baılanysty jol jabylǵan bolatyn. 

Esterińizge sala keteıik, sınoptıkter Astanada jáne elimizdiń 14 oblysynda kún raıyna baılanysty daýyldy eskertý jarııalady.