Qaraǵandy ákimdigi quny 1,1 mlrd teńge bolatyn jer telimderin tegin úlestirgen

Qaraǵandy qalasy Qazybek bı atyndaǵy aýdan prokýratýrasy kommertsııalyq maqsatta jer berý kezinde jergilikti atqarýshy organdar tarapynan buzýshylyqtar oryn alǵanyn anyqtady, dep habarlaıdy Kazinform.

Qaraǵandy qalasynyń ákimdigi "Memlekettik múlik týraly" Zańnyń 62-1-babyn buza otyryp, baǵalaý rásimin júrgizýsiz buryn alynǵan jer ýchaskeleriniń ornyna turǵyn emes úı-jaılary bar kóppáterli turǵyn úı salý jáne ony odan ári paıdalanýǵa berý úshin kommertsııalyq maqsatqa 14 jer ýchaskesin bergen.

"Prokýratýranyń narazylyǵy boıynsha qala ákimdigi joǵaryda atalǵan qaýlynyń kúshin joıý týraly talaptardy tolyq kólemde qanaǵattandyrdy, quny 158 mln teńge bolatyn 4 ga kommertsııalyq maqsattaǵy 14 jer ýchaskesi memlekettik menshikke qaıtaryldy", - dep jazdy baqylaýshy organnan.

Budan bólek, Qazybek bı atyndaǵy aýdan prokýratýrasy uzaq ýaqyt boıy paıdalanylmaı jatqan kommertsııalyq jerdi anyqtady.

Jer kodeksiniń 92-babyna sáıkes qurylysqa arnalǵan jer ýchaskesi maqsaty boıynsha paıdalanylmasa, onda mundaı jer ýchaskesi májbúrlep alyp qoıýǵa jatady.

Іri kásipkerlerdiń biri 2018 jyldan bastap jalpy aýdany 32 ga bolatyn 6 kommertsııalyq jer ýchaskelerin ıgerýge sharalar qabyldamaǵan.

"Qadaǵalaý aktisi boıynsha kadastrlyq quny 1,1 mlrd. teńge quraıtyn osy jer ýchaskeleri memleket menshigine qaıtaryldy", - delingen aqparatta.

Bul baǵyttaǵy jumys jalǵastyrylýda.