Karachıdegi lańkestik shabýyldan úsh qaýipsizdik qyzmetkeri kóz jumdy
ASTANA. KAZINFORM — Pákistannyń ońtústigindegi Karachı portyndaǵy Reındjers mekemesine jasalǵan lańkestik áreketten úsh qaýipsizdik qyzmetkeri qaza tapty, dep habarlaıdy Sınhýa.
Oqıǵa jergilikti ýaqyt boıynsha saǵat 20:10 shamasynda (GMT saǵat 15:10) bolǵan. Lańkester Karachıdiń Gýlistan-ı-Jaýhar aýdanyndaǵy Reındjers shtabynyń bas qaqpasyna jarylǵysh zat tıelgen kólikti kirgizgen. Bul týraly Sınd provıntsııasy polıtsııasynyń bas ınspektory Djaved Alam Odho málimdedi.
Onyń aıtýynsha, qaýipsizdik kúshteri men shabýyldaýshylar arasyndaǵy atys kezinde 4 lańkes óltirilgen.
Eske sala keteıik, Karachıdegi AQSh konsýldyǵyna shabýyl jasalyp, 8 adam qaza tapty. Al Pákistannyń soltústik-batysyndaǵy Haıber-Pahtýnhva provıntsııasynda jankeshti jarylǵysh zat tıelgen kólikpen polıtsııa bólimshesine soqtyǵysyp, saldarynan keminde 12 polıtseı qaza taýyp, birneshe adam jaraqat aldy.
