Karachıde AQSh konsýldyǵyna shabýyl kezinde segiz adam qaza tapty
ASTANA. KAZINFORM — Irannyń joǵary jetekshisi qaıtys bolǵannan keıingi narazylyq aıasynda júzdegen demonstrant AQSh dıplomatııalyq mıssııasyna kirmek boldy, dep habarlaıdy Kazinform agenttiginiń menshikti tilshisi.
Jeksenbi kúni konsýldyq mańynda bolǵan qaqtyǵys saldarynan keminde segiz adam qaza taýyp, taǵy 20 adam jaralandy. Kóptegen zardap shekkender aq jaraqatyn alǵan, dep habarlaıdy AFP Edhi Foundation qutqarý qyzmetiniń ókiline silteme jasap.
Qaza bolǵandardyń deneleri qaladaǵy azamattyq aýrýhanalarǵa jetkizildi. Irandy qoldaýshy narazylar dıplomatııalyq mıssııa ǵımaratyn basyp alýǵa tyrysty. Buǵan sebep AQSh pen Izraıldiń Iranǵa jasaǵan soqqylary jáne Irannyń joǵary jetekshisi Aıatolla Álı Hameneı-diń qaıtys bolýy týraly habar.
Anger is boiling over in Pakistan, as protesters storm and burn the US consulate in Karachi. Pakistan is the home to the world's second largest Shia population in the world. The killing of Khamenei will have repercussions for the US. pic.twitter.com/lg9ch8mxp1
— Glenn Diesen (@Glenn_Diesen) March 1, 2026
Áleýmettik jelilerde jarııalanǵan vıdeolarda aktsııa qatysýshylary ǵımarattyń terezelerin syndyryp, nysandardy órtep jatqanyn kórýge bolady. Pákistan bıligi jańa qaqtyǵysty boldyrmaý úshin eldegi barlyq AQSh elshiligi men konsýldyqtary, onyń ishinde Islamabad jáne Peshavar mańynda qaýipsizdikti kúsheıtti.
Iranǵa baǵyttalǵan narazylyq Lahor jáne basqa qalalarda da ótti, keıbir jaǵdaılarda polıtsııa topty úlken shyǵynsyz tarata aldy.
Irak astanasy Baǵdadta da narazylyq bolyp, júzdegen demonstrant AQSh elshiligi ornalasqan «jasyl aımaqqa» kirýge tyrysty. Qaýipsizdik salasyndaǵy derekkóz AFP agenttigine shabýyl áreketteri toqtatylǵanyn habarlady, biraq narazylar aýdan kireberisinde jınalyp jatyr.
📹Angry crowds in #Iraq take to the streets following the assassination of Ayatollah Khamenei pic.twitter.com/34SkH4FMqh
— Mehr News Agency (@MehrnewsCom) March 1, 2026
Keıbir demonstranttar qaýipsizdik qyzmetkerlerine tas laqtyrǵan, oǵan jaýap retinde jas shaqtyratyn gaz qoldanyldy. Jergilikti BAQ birneshe ońtústik provıntsııalarda da narazylyq ótkenin habarlady.
Buǵan deıin Iran bıligi Aıatolla Álı Hameneıdiń qaıtys bolǵanyn resmı rastaǵan jáne elde 40 kúndik aza tutýdy jarııalaǵan bolatyn.