Qarabas stantsııasyndaǵy apat: QTJ-nyń 17 jumysshysy jazalandy

ASTANA. QazAqparat – Qaraǵandy-Aqadyr ýchaskesiniń Qarabas stantsııasynda júk poıyzynyń 19 vagony relsten shyǵyp ketý oqıǵasyna baılanysty Qazaqstan temir joly kompanııasynyń 17 qyzmetkeri tártiptik jazaǵa tartyldy. Bul týraly Májilistiń taratylǵan 7-shaqyrylym depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Sońǵy 3 jylda QR Indýstrııa jne ınfraqurylymdyq damý mınıstrlgi janyndaǵy Apattar men oqys oqıǵalardy tergeý komıssııasy qozǵalys qaýipsizdigin buzýdyń 33 jaǵdaıyn zerdelep, saraptady. Aıtalyq, «Qazaqstan temir joly» UK» AQ Qarabas OP767 ótkeliginde ǵana bir kólik oqıǵasyna jol berdi. Oǵan jol jumystarynyń tehnologııalyq óndirisiniń buzylýy sebep bolǵan. Nátıjesinde kompanııanyń 17 jumysshysy tártiptik jaýapkershilikke tartyldy», - dedi Úkimet basshysy jaýabynda.

Onyń atap ótýinshe, qalǵan 32 kólik oqıǵasyna qatysty tártiptik jaza belgileý Eńbek kodeksiniń 65-babyna sáıkes jumys berýshilerdiń tarapynan qaralyp jatyr. Sonymen qatar Apattar men oqys oqıǵalardy tergeý komıssııasy qozǵalys qaýipsizdiginiń buzylýynyń aldyn alý maqsatynda 2020 jyly zańdy tulǵalarǵa - 207, 2021 jyly - 92, al 2022 jyly 208 usynym jibergen.

«2022 jyldyń 28 jeltoqsanynda Qarabas stansasynda jáne 2022 jyldyń 22 jeltoqsanynda Semeı stansasynda oryn alǵan kólik oqıǵalaryn tergeý nátıjesi quramynda Indýstrııa jáne ınfraqurylymdyq damý mınıstrligi, Kólik prokýratýrasy, QTJ vagon ıeleri jáne ózge de múddeli tulǵalar bar komıssııa jumysynyń qorytyndysynda anyqtalady. Atalǵan faktiler boıynsha Іshki ister mınıstrligi Qylmystyq kodekstiń 344-baby 1-bóligi boıynsha sotqa deıingi tergeý júrgizip jatyr», - dedi Premer-Mınıstr.

Foto: instagram.com/ekaraganda.kz