Qara tútin Almatyda burynnan bar - Baýyrjan Baıbek
ALMATY. QazAqparat - Almaty ákimi Baýyrjan Baıbek halyqpen esepti kezdesýinde qalanyń ekologııalyq ahýaly týraly aıtty, dep habarlaıdy QazAqparat tilshisi.
«Almatyda qara tútin burynnan bolǵan. Qandaı shara qolǵa alsaq ta, máseleni tolyq sheshe almaıtyn. Qalada jaýyn jaýǵanda aýa tazaratynyn baıqaǵan shyǵarsyzdar. Al jel bolmasa, jaýyn jaýmasa, tútin qoıýlanyp turady», - dedi qala ákimi.
Onyń aıtýynsha, qala bıligi avtokólik bóletin zııandy zattarmen 70-80-jyldardan beri kúresip keledi. Ol jyldary kólikterdiń barlyǵyn gazǵa aýystyrýǵa talpynys bolǵan. Búginde halyqtyń 99 paıyzy kógildir otynǵa aýystyryldy. Áli de kómir tutynatyn úılerge bıylǵy jyldyń sońyna deıin gaz tartylatyn bolady.
«Búginde qalada 2017 úı kómir paıdalanady. Osydan eki jyl buryn bul kórsetkish úsh ese kóp edi. Atalǵan úılerdiń birazyna jetkizý jelileri tartyldy. Qalǵan jartysyna jyl sońyna deıin tartylady. Sondaı-aq, gaz qosýdan bas tartyp otyrǵan otbasylar da bar. Tabıǵatty qorǵaý prokýratýrasyna tapsyrma berildi. Olar rezeńke, qoqys jaǵatyndardy baqylap otyrady»- dedi ákim.
foto:photosight.ru
