«Qara tizimdegiler» tenderge qatysa almaıdy - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 20 naýryz, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

*** Sonymen, búgin « Egemen Qazaqstan » basylymynda jarııalanǵan « Dáýir dramasy » atty maqalada «Qazaqfılm» kınostýdııasynyń halqymyzdyń bastan keshken taýqymetterin beıneleıtin jańa kartına jaıynda bolyp otyr. "Elimizde Uly Jeńistiń 70 jyldyq mereıtoıyna arnalǵan «Anaǵa oralý» («Doroga k materı») atty tolyqmetrajdy fılm túsirilýde. Atalmysh kartınany Rashıd Súleımenovtiń jaqynda ǵana tusaýy kesilgen «Oralý» fılmimen shatastyrmaý kerek. Aqparat aıdynyndaǵy áriptesterimiz keń aýqymdy tarıhı-shytyrman oqıǵaly fılmniń bastapqy ­ataýyn «Ana júregi» dep te aýdaryp júr. Rejısser Aqan Sataevtyń túsirý jumystaryn bastap ketkenine aı boldy. Túsirý toby keshe Almatydaǵy Qazaqstan Respýblıkasy Prezıdenti janyndaǵy Ortalyq kommýnıkatsııalar qyzmetinde «Anaǵa oralý» fılminiń túsirý jumystary bastalýyna baılanysty alǵashqy baspasóz máslıhatyn ótkizdi. Osydan keıin jýrnalıster fılmniń bas prodıýseri Álııa Nazarbaevanyń qatysýymen Sh.Aımanov atyndaǵy «Qazaqfılm» kınostýdııasynda bolyp, dekoratsııalyq kórinisterdi tamashalap, akterlerden suhbat aldy", - delingen maqalada.

Qazaqstan Prezıdenti elimizge jumys saparymen kelgen Belarýs Respýblıkasynyń Prezıdenti Aleksandr Lýkashenkomen kezdesti, dep habarlaıdy "Egemen Qazaqstan". Kezdesý barysynda memleketter basshylary saýda-ekonomıka, ınvestıtsııa, ónerkásip jáne aýyl sharýashylyǵy salalaryndaǵy yntymaqtastyqty qamtıtyn Qa­zaq­stan-Belarýs qarym-qatyna­sy­nyń negizgi máselelerin talqy­lady. Sondaı-aq Nursultan Nazarbaev pen Aleksandr Lýkashenko halyq­aralyq kún tártibindegi ózekti jaıttar jóninde pikir almasty. Qazaqstan Prezıdenti eki­jaqty yntymaqtastyq aıasynda el­derimiz qol jetkizgen barlyq ýaǵdalastyqtar tabysty oryndalyp jatqanyn atap ótti. Osyǵan baılanysty Memleket basshysy eki eldiń kóptegen birlesken kásip­oryndary jumys júrgizip jat­qanyna nazar aýdara kelip, bul istiń aldaǵy ýaqytta da jalǵasatynyn aıtty. Nursultan Nazarbaev sondaı-aq Belarýs Prezıdentiniń Ýkraına daǵdarysyn retteý isindegi úlesine toqtalyp ótti. - Oryn alyp otyrǵan taıta­lastyń eshkimge paıda bermeıtini jónindegi bizdiń ustanymdarymyz tolyǵymen úndesedi, - dedi Mem­leket basshysy.

***

Endi depýtattar Elbasynyń «Nur Otan» sezinde jarııalaǵan bes ınstıtýtsıonaldyq reformasyn júzege asyrýǵa atsalysýǵa jumylady. Bul týraly Qasym-Jomart Toqaevtyń tóraǵalyǵymen ótken Senattyń keshegi jalpy otyrysynda habarlandy, dep jazady « Aıqyn » gazeti « Bes reformany júzege asyrýǵa jumylý kerek » atty maqalada.

«Elbasynyń ýaqyt talabymen úndesken bul bastamalary elimizdiń búgingi qol jetkizgen jetistikteri men ishki saıası kelisimi negizinde Qazaqstan qoǵamyn odan ári ekonomıkalyq jáne saıası jańǵyrtýdyń jańa belesterine jol bastap, memlekettiń turaqtylyǵy men baıandy bolashaǵyn nyǵaıta túsedi», - dedi Qasym-Jomart Kemeluly.

Joǵarǵy palata tóraǵasynyń baıla­mynsha, «shyn máninde, strategııalyq mańyzǵa ıe 5 ınstıtýtsıonaldyq re­for­ma» saıyp kelgende, búgingi kúrdeli álem­degi Qazaqstannyń ekono­mıkalyq órleýin qamtamasyz etýdi jáne demokratııalyq qun­dylyqtardy odan ári ilgeriletýdi kózdeıdi». Kezeń-kezeńmen jú­zege asy­ry­latyn keshendi sha­ralar «zaman talabyna saı mem­lekettik apparatty qalyp­tas­tyrý, zań ústemdigi men sot ádil­digin qamtamasyz etý, ındýstrııa­landyrý men ekonomıkany ár­taraptandyrý arqyly bolashaǵy birtutas ultty, ashyq jáne esep berýshi memleket qurýdy kóz­deıtin asa mańyzdy máselelerdi qamtyp otyr».

«Aıqyn» basylymynyń búgingi sanynda « Qara tizimdegiler » tenderge qatysa almaıdy » atty maqala jaryqqa shyqty.

Onda habarlanǵanyndaı, memlekettik satyp alýda bolsyn, ulttyq kompanııalar ótkizetin satyp alýda bolsyn, jeńimpaz atanyp, kórsetken qyzmeti men atqaratyn jumysyna salǵyrt qaraǵan, satyp alýshy tapsyrysy boıynsha óndirgen óniminiń sapasy syn kótermeıtin kásipkerlik sýbektisi «Jaýapsyz jetkizýshiler reestrine» engiziledi.

«Muny satyp alý ótkizetin mekemeniń «qara tizimi» deýge bolady. Bul reestrge engen kompanııa biraz jyl satyp alý naryǵyna kire almaıdy. ıAǵnı ol úshin tender ótkizetin mekemelerdiń esigi tars jabylady. Ókinishke qaraı, sońǵy ýaqytta «Samuryq-Qazyna» ulttyq ál-aýqat qorynyń satyp alýlaryna qatysqan otandyq óndirýshiler arasynda álgi «qara tizimge» engender sany kóbeıip barady eken. Bul týraly «Samuryq-Qazyna» qorynyń Ortalyq kommýnıkatsııalar qyzmetinde ótkizgen baspasóz máslıhatynda aıtyldy. Jyl basynan beri ǵana 170-ten astam kásipkerlik sýbektisi Qordyń «Jaýapsyz jetkizýshiler reestrinen» oryn alypty», - delingen maqalada.

***

Qazaqstannyń óz Leonıd Gaıdaıy paıda boldy, dep habarlaıdy resmı tilde jaryqqa shyǵatyn "Ekspress K" gazeti.

«Qazaqstannyń jańa «Svadba na troıh» komedııasy kassalyq rekordtardy ornatýda. Prokattyń birinshi aptasynda ol 450 myń dollar túsirip úlgerdi. Kórermenderdiń kúlkisi fılm bitkenshe tyıylmaıdy. Bul lenta otandyq komedııalardyń altyn qoryna enetini anyq, al rejısser Asqar Bısembın qazaqstandyq Leonıd Gaıdaı atanady», - dep jazady maqala avtory.