Qara teńizdiń rýmyndyq qaırańynda alǵashqy gaz kenishi tabyldy
ASTANA. 24 aqpan. QazAqparat - Amerıkandyq ExxonMobil men rýmyndyq Petrom Qara teńiz qaırańynan iri gaz kenishin tapty, onyń áleýetti qory 84 mıllıard tekshemetrge jetýi múmkin, dep habarlady ITAR-TASS.
Gaz tabylǵan «Domıno-1» uńǵysy «Neptýn» blogynda Rýmynııa jaǵalaýynan 170 shaqyrym jerde ornalasqan. Blokty ExxonMobil men avstrııalyq OMV toby (Petrom baqylaýynda) barlaýda.
Kompanııanyń habarlamasynda eger áleýetti qorlar qýattalsa, onda bul ashylym OMV-nyń búkil tarıhyndaǵy iri gaz jobasy bolmaq, dep atap ótilgen. Onda áriptesterdiń kenishti barlaýǵa ınvestıtsııalary birneshe mıllıard dollarǵa jetpek.
Bul habardan keıin Vena qor bırjasynda OMV aktsııalary 3,2 paıyzǵa, Petrom aktsııalary 5,2 paıyzǵa ósti.
