Qara teńizde eki keme órtenip jatyr: 11 adam qaza tapty
SIMFEROPOLЬ. QazAqparat - Qara teńizdegi Kerch buǵazy aýmaǵynda Tanzanııa jalaýy astyndaǵy eki keme órtenip jatyr. Aldyn ala boljamǵa qaraǵanda, olardyń bireýinde jarylys bolǵan, dep habarlaıdy TASS Rosmorrechflot baspasóz qyzmetine silteme jasap.
Novorossıısk teńiz qutqarý-úılesirý ortalyǵy oqys oqıǵa saldarynan 11 adamnyń qaza tapqanyn málimdedi.
Taǵy jeti adamdy izdeý jumystary jalǵasýda. Tótenshe qyzmettegi derekkózdiń aıtýynsha, kem degende 11 adam ajal qushqan.
Sondaı-aq Rosmorrechflot, "Kandıı" kemesinde 17 adam bolǵan, onyń jeteýi - Túrkııanyń, segizi Úndistannyń azamattary. Al ekinshi "Maestro" kemesinde 14 adam, jeteýi -Túrkııa jáne jeteýi Úndistan azamattary.
Órt bir kemeden ekinshisine suıyq otyndy bergen kezde tehnıkalyq qaýipsizdikti saqtamaýdan shyǵýy múmkin, dep málim etti jedel qyzmettegi derekkóz.
