«Qara teńiz -2011» halyqaralyq týrnırinde qazaqstandyq voleıbolshylar jastar men jasóspirimder arasynda jeńimpaz atandy
ALMATY. 26 tamyz. QazAqparat /Erlik Erjanuly/ - Tamyzdyń 19-24 kúnderi Bolgarııanyń Sofııa qalasyndaǵy «Prımorsko» kýrortynda voleıboldan erler men áıelder arasynda IV «Qara teńiz - 2011» halyqaralyq týrnıri boldy. Onda Qazaqstannyń jastar men jasósprimder quramasy 1993-1994 jáne 1995-1996 jyldary týǵan voleıbolshylar arasynda jeńimpaz atandy.
1993-1994 jyldary týǵan jastar jarys qojaıyndarynyń «Grad», «Montana», Polshanyń «Kamıonka», Rýmynııanyń «Rakovskı» komandalarynan basym tústi. Al 1995-1996 jylǵylar «Varna» (Bolgarııa), «Revýcha» (Slovakııa), «Narva» (Estonııa), «Omýrtag» (Bolgarııa), «Valga» (Estonııa), «Ropotamo» (Bolgarııa) komandalaryn artta qaldyrdy. QR Voleıbol federatsııasynyń habarlamasyna qaraǵanda, onda 1995-96 jylǵylar barlyq qarsylastaryn 2:0 esebimen oısyrata utty. Al 1993-1994 jylǵylar tek «Montana» komandasyna ǵana 1:2 (21:25, 25:16, 12:15) esebimen utylyp, qalǵan kezdesýdi túgeldeı aıqyn basymdyqpen aıaqtady.
