Qara shatqaldaǵy aspaly áınek kópirdiń jańa eskızi tanystyryldy
QONAEV. KAZINFORM — Almaty oblysynda jańa týrıstik nysannyń jobasy tanystyryldy.
Oblys ákimdiginiń málimetinshe, ınvestorlar Kegen aýdany Qara shatqal týrıstik aımaǵynda salynatyn aspaly áınek kópirdiń jańa jobasyn usyndy.
Jobanyń jalpy quny — 1,5 mlrd teńge bolady. Al qurylys kezeńinde 120 jumys orny, al nysan paıdalanýǵa berilgennen keıin 58 turaqty jumys orny ashylmaq. Nysan tolyq iske qosylǵannan keıin jylyna 400–600 myń týrıst qabyldaı alady.
— Qazirgi tańda avtoturaq pen pavılon qurylysyna arnalǵan alańdy daıyndaý jáne tegisteý boıynsha jer jumystary aıaqtalǵan. Al jobalyq-smetalyq qujattama memlekettik saraptamadan ótip jatyr. Saraptama qorytyndysy alynǵannan keıin qurylys-montaj jumystary bastalmaq, — dep habarlady ákimdikten.
Eske salaıyq, 2024 jyly Almaty oblysyndaǵy Qara shatqalǵa uzyndyǵy 170 metrlik áınek kópir salynatyny belgili boldy.
Byltyr Qara shatqaldaǵy aspaly áınek kópirdiń jobasy qaı satyda ekenin jazǵanbyz.