«Qara rıeltorlar»: Almatyda qylmystyq top músheleri sottaldy
ALMATY. KAZINFORM — Almatyda jalǵyzbasty jáne psıhıkalyq aýytqýy bar adamdardyń páterin zańsyz satqan qylmystyq top múshelerine sot úkimi shyqty.
Sot otyrysy qalalyq qylmystyq ister jónindegi mamandandyrylǵan aýdanaralyq sotynda sýdıa Erlan Bolatovtyń tóraǵalyǵymen ótti.
Atalǵan is boıynsha 22 adam aıyptalýshy dep tanyldy. Uıymdasqan qylmystyq top 2017-2023 jyldar aralyǵynda jumys istegen. Onyń quramynda psıhıatr-dárigerler, notarıýs, rıeltorlar jáne buryn quqyq qorǵaý salasynda jumys istegen qyzmetkerler bolǵan.
Olarǵa adamdardy urlaý, kisi óltirý jáne psıhıkalyq aýytqýy bar qarttarǵa zorlyq-zombylyq kórsetip, baspanasynan aıyrý boıynsha aıyp taǵyldy. Іste barlyǵy 37 epızod bar.
Qalalyq sottyń baspasóz qyzmetiniń habarlaýynsha, sot úkimi boıynsha kúdiktiler 3 jyldan 18 jylǵa deıin bas bostandyǵynan aıyrý jazasyna kesildi.
Sot úkimi zańdy kúshine engen joq.
Eske salaıyq, 2018 jyly Almatyda qaýqarsyzdardyń páterin tartyp alǵan rıeltorlar sottalǵan bolatyn.
Buǵan deıin Shyǵys Qazaqstan oblysynda 4 alaıaq ózderin rıeltor retinde tanystyryp, halyqty 60 mln teńge shyǵynǵa batyrǵany týraly jazǵan edik.