Qara qyz: Talǵat Temenov túsirgen soǵys jaıly kartınanyń tızeri jarııalandy

ASTANA. QazAqparat - Tanymal otandyq rejısser Talǵat Temenovtyń jańa jobasy - «Qara qyz» fılminiń tızeri jarııalandy, dep habarlaıdy QazAqparat.

Áskerı drama Ekinshi dúnıejúzilik soǵys kezindegi sarbazdarymyzdyń erligi men batyldyǵy jáne qazaq qyzdarynyń qaısarlyǵy jaıynda baıandaıdy.

Basty rólderdi jas akterler Nuraı Saqtapova men Erlan Qulmurzın somdap shyqqan.

Nuraı úshin bul kınodaǵy debıýt bolsa, Erlan kóptegen telehıkaıalardan belgili akter.

Sondaı-aq, fılmge tanymal akterler Dýlyǵa Aqmolda, Medǵat Ómirálıev jáne basqalar túsken.

Kartınanyń túsirilimi ótken jyly Soltústik Qazaqstan oblysynyń aýmaǵynda, Petropavl qalasynyń mańynda, sondaı-aq Almaty oblysynyń Aqshı aýylynda ótti.

Fılmniń saýndtregi - «Qaraǵym-aı» kompozıtsııasy, ony fılm úshin arnaıy Dımash Qudaıbergen oryndaıdy.

Fılm QR Mádenıet jáne sport mınıstrliginiń tapsyrysy boıynsha ulttyq kınony qoldaý memlekettik ortalyǵynyń kómegimen óndiriske engizildi.

Fılmniń bıýdjeti - 547 mln 636 myń teńge.

Kartınanyń premerasy osy jyldyń kúzine josparlanǵan.